زنوز (زونوز) زنوز اوزوکلرین الماس قاشیدیر زنوز قیزیل گولون شءح گوز یاشیدیر زنوز گوزل ده ییل گوزل باشیدیر بسله نیری حوری غلمان زنوزدا آی گون اولار هرگون مهمان زنوزدا قیشدا باخسان زنوزا زنوزاقدان آغاجلاری قرو توتار سازاقدان گورسه نه جک گلین کیمی اوزاقدان آخشاملار دولانار جیران زنوزدا زنوزلودا قالار حیران زنوزدا محالا دوز ورر دوز داغین زنوز زمهریر یخچالین بوز داغین زنوز بو کوشن گوروبدور گوزداغین زنوز کسه رلر قوناقا قوربان زنوزدا گول سپر یوللارا باغبان زنوزدا چاتماز باشقا آلما گیرده شیرینه فرهاد گورسه بیرده باخماز شیرینه باخ آلمانین لغابینا , شیرینه دوشه نر قالی کاشان زنوزدا بال گلر سفره یه شان شان زنوزدا عاشیقی , سلطانی , قارا قابالا بالجه ای آلماسی اوخشور شان بالا پاییزه سی ایری موشگوسی بالا آلمایا وءررلر تالان زنوزدا هامی اولار آلما آلان زنوزدا جواهردی زنوزون هر آلماسی الماسیدیر آلماسینین آلماسی آلما آلان داها آلماز الماسی آخار گوموش بولاقلاردان زنوزدا عطیر ساچار یولاقلاردان زنوزدا سلطان سنجر , نهله, قیزیل گل , ماهار بوتون گوزللیگی ایله ییب ماهار گول چیچک بیتیرر ماهاردا , باهار بولاقلار ایل بویی گریان زنوزدا عطیرلی چیچک دیر هر یان زنوزدا نصیر محبتین بی نواسیدیر محبت هر دردین اوز دواسیدیر درمان زنوزداکی یاز هاواسیدیر یاشاماقی سوه ر انسان زنوزدا دوزو چوخ بسله ییب انسان زنوزدا شاعر: نصیر پایگذار